OpenOffice.org 1.1.0 հայերեն տարբերակ | ||
|
|
OpenOffice.org 1.1.0 Windows-ի համար և OpenOffice.org 1.1.1 Linux-ի համար լոկալիզացվել է Open Source Armenia թիմի կողմից։ Այստեղ ես ուզում եմ ներկայացնել մեր կողմից կատարված աշխատանքը, որը առանձնացնում է մեր hy.openoffice.org նախագիծը հիմնական OpenOffice.org-ի կողմից ներկայացվող փաթեթից։ Ծրագիրը հնարավորություն ունի կատարել հայերենի ուղղագրության ստուգում։ Այս մոդուլը կազմված է հիմնական բառարանի կիրառության և լրացուցիչ, օգտագործողի կողմից սահմանվող բառարանի օգտագործման միջոցով։ Այս տարբերակում ստուգող ալգորիթմներն ու բառարանը շատ տիպական են սակայն լուծված են հիմնական սկզբունքային խնդիրները, որոնք հնարավորություն են տալիս կատարելագործել և զարգացնել My Spell մոդուլը թե՛ ծրագրի շրջանակներում և թե՛ առանձին։ Ծրագրի ինտերֆեյսի հիմնական տառատեսակ է սահմանված Sylfaen-ը։ սակայն դուք կարող եք փոխարինել ձեր ցանկանցած որևէ այլ Unicode տառատեսակով։ Ավելի մանրամասն կարդացեք ծրագրի փաթեթի Օգնությունում։ Ինքնաուղղման մոդուլը նույնպես ունի համապատասխան հնարավորություն հայերենի սպասարկման համար և կան մի քանի տիպական վրիպակների ու թերացումների լուծումներ, որոնք ներկայացվում են ցուցակով։ Դուք կարող եք ձեր ցանկությամբ ավելացումներ կատարել այդ ցուցակում։ Ինքնալրացման մոդուլը հնարավորություն է տալիս խմբագրման ընթացքում ինքնաշխատ լրացնել նախկինում մուտքագրված բառերը։ Տեքստի խմբագրման ընթացքում ծրագիրը հայերեն կոնտեքստի դեպքում ճանաչում է հայերեն կետադրությունը։ Մասնավորապես, կետը միջակետ է իսկ երկու կետը վերջակետ, այսինքն երկու կետից հետո մուտքագրվող բառի առաջին տառը ինքնաշխատ դառնում է մեծատառ։ Առավել մանրամասն տեղեկատվություն ստանալու համար այցելեք նախագծի պաշտոնական էջը՝ hy.openoffice.org։
Դուք կարող եք բեռնել՝ OpenOffice.org 1.1.0 Windows-ի համար, հայերեն տարբերակ OpenOffice.org 1.1.0 Windows-ի համար, անգլերեն տարբերակ OpenOffice.org 1.1.1 Linux-ի համար, հայերեն տարբերակ OpenOffice.org 1.1.1 Linux-ի համար, անգլերեն տարբերակ
|